Аляксандр Мілінкевіч правёў у Страсбургу шэраг сустрэч

Лідэр Руху "За Свабоду" сустрэўся з Вітаўтасам Ладсбергісам, расійскімі праваабаронцамі і прадстаўнікамі розных палітычных групаў.

Аляксандр Мілінкевіч меў гутарку з расійскімі праваабаронцамі "Мемарыяла" Сяргеем Кавалёвым, Людмілай Аляксеевай і Алегам Арловым.

Апроч гэтага лідэр Руху "За Свабоду" сустрэўся з Вітаўтасам Лансбергісам і правёў кансультацыі з прадстаўнікамі розных палітычных групаў,  якія прымаюць удзел у абмеркаванні рэзалюцыю па Беларусі.

Праект рэзалюцыі дапоўнены шэрагам новых, сфармуляваных пасля абмеркавання ў палітычных групах Еўрапарламента палажэнняў, якія тычацца дыялогу Беларусі і ЕЗ, а таксама удасканаленню заканадаўства ў сферы барацьбы з карупцыяй і паляпшэння інвестыцыйнага клімату.