Мілінкевіч: «У Кіеве вызначаецца вектар еўрапейскай палітыкі адносна Беларусі»

Учора завершыўся візіт прэтэндэнта ў прэзідэнты Беларусі ад аб’яднаных дэмакратычных сілаў Аляксандра Мілінкевіча ва Ўкраіну. Спадар Мілінкевіч выступіў на міжнародным грамадскім форуме “Супольнасць дэмакратычнага выбару”, арганізатарам якога разам з іншымі ўплывовымі інстытутамі з’яўляецца міністэрства замежных спраў Украіны. Аляксандр Мілінкевіч прэзентаваў бачанне беларускімі дэмакратычнымі сіламі развіцця палітычнай сітуацыі ў Беларусі і перспектываў замежнапалітычнага супрацоўніцтва.

Аляксандр Мілінкевіч распачаў сёння трохдзённы візіт ва Украіну

Аляксандр Мілінкевіч, новы лідэр дэмакратычнай Беларусі, прыбыў 30 лістапада ў Кіеў, дзе правядзе шэраг сустрэч з украінскімі і заходнімі палітыкамі, а таксама выступіць на міжнародным прадстаўнічым форуме. Гэта першы візіт Аляксандра Мілінкевіча ў суседнюю краіну ў якасці прызнанага лідэра аб’яднаных дэмакратычных сіл.

Ветэраны: "Выбар адзіным Аляксандра Мілінкевіча – таксама наш выбар!"

Беларускія ветэраны апублікавалі адкрыты ліст у падтрымку Аляксандра Мілінкевіча: "Мы, удзельнікі Вялікай Айчыннай вайны і ветэраны працы з Гародні, з вышыні пражытых гадоў хочам сказаць, што Кангрэс дэмакратычных сіл – вялікая і значная падзея ў жыцці Рэспублікі Беларусь...."

Зацьверджаны графік бліжэйшых паездак А.Мілінкевіча па краіне

На паседжанні штаба адзінага кандыдата, якое адбылося ў панядзелак, 28 лістапада, быў зацьверджаны графік бліжэйшых паездак Аляксандра Мілінкевіча па краіне:

Аляксандр Мілінкевіч пракаментаваў вынікі конкурса "Дзіцячае Еўрабачанне - 2005"

Аляксандр Мілінкевіч быў уражаны перамогай Ксеніі Сітнік на конкурсе "Дзіцячае Еўрабачанне - 2005" і адзначыў, што гэтая перамога паказала велізарны патэнцыял нашага народа і добрую еўрапейскую перспектыву Беларусі

Аляксандар Мілінкевіч: "У наступным годзе ў беларусаў ёсць рэальны шанец скончыць сумную гісторыю апошняй Дыктатуры ў Еўропе"

"У наступным годзе ў беларусаў ёсць рэальны шанец скончыць сумную гісторыю апошняй дыктатуры ў Еўропе", - адзначыў Аляксандар Мілінкевіч падчас сустрэчы са студэнтамі літоўскіх універсітэтаў, якая прайшла 25 лістапада ў Вільні.

Мілінкевіч каментуе папраўкі ў Крымінальны і Крымінальна-працэсуальны кодэксы.

У Крымінальным кодэксе можа з'явіцца новы артыкул — “Дыскрэдытацыя Рэспублікі Беларусь”. Нежаданнем паўтарыць у Беларусі каляровыя рэвалюцыі патлумачыў неабходнасць зменаў заканадаўства, якое тычыцца грамадзянскай бяспекі, старшыня КДБ Беларусі Сцяпан Сухарэнка, які 25 лістапада прадставіў дэпутатам Палаты прадстаўнікоў гэты дакумент. Мілінкевіч пракаментаваў гэтыя дакументы.

Аляксандр Мілінкевіч у Вільні: "Наша моц - у адзінстве!"

“Мы не спадзяемся ў наступным годзе на тое, што ў цывілізаваным свеце называецца выбарамі. Але мы маем рэальны шанс сапраўдных выбараў дамагчыся. Наша моц - у адзінстве, і толькі адзінства можа стацца фундаментам перамогі”, - сказаў у пятніцу, 25 лістапада, ў Вільні Аляксандр Мілінкевіч падчас сустрэчы з прэзідэнтам Літвы Валдасам Адамкусам.

15:00 Мілінкевіч сустрэўся з Валдасам Адамкусам

У 15.00 адзіны прэтэндэнт ад дэмакратычных сілаў у Сейме Літвы сустрэўся з прэзідэнтам Валдасам Адамкусам. Сорак хвілінаў доўжылася размова паміж Аляксандрам Мілінкевічам і кіраўніком Літвы. Была абмеркаваная эканамічная і палітычная сітуацыя ў Беларусі. Палітыкі гаварылі пра прэзідэнцкія выбары ў Беларусі, што адбудуцца ў 2006 годзе, падзяліліся меркаваннямі наконт таго, як зрабіць выбары справядлівымі і празрыстымі, як міжнародныя арганізацыі маглі б дапамагчы дэмакратычным сілам Беларусі.

Аляксандр Мілінкевіч знаходзіцца сёння з рабочым візітам у Літве.

У 11.00 у Віленскім універсітэце Аляксандр Мілінкевіч выступіў перад студэнтамі і амбасадарамі заходніх краінаў і Расіі. А 15.30 распачнецца сустрэча Аляксандра Мілінкевіча з лідэрамі парламенцкіх фракцыяў і дэпутатамі Сейма Літвы. Адзіны прэтэндэнт мае прадставіць бачанне беларускімі аб’яднанымі дэмакратычнымі сіламі развіцця сітуацыі ў Беларусі.У праграме візіту таксама сустрэчы з кіраўніцтвам Літвы.