Мілінкевіч сустрэнецца з жыхарамі Пінска на свежым паветры
15/04/2008
Запланаваная на 17 красавіка сустрэча лідэра Руху "За Свабоду" Аляксандра Мілінкевіча з жыхарамі Пінска пройдзе на вуліцах горада.
Мясцовыя актывісты Руху, якія яе рыхтуюць, спрабавалі зняць залу ў гарадскім Доме культуры, аднак менавіта ў той дзень яна будзе занятая. Высветлілася, што будуць занятыя падчас прыезду Мілінкевіча і іншыя вялікія залы ў горадзе.
Калі пінчукі звярнуліся па дапамогу ў выканкам, то ім адказалі, што не даюць дазволы на сустрэчы з прыватнымі асобамі. Тым больш заяўнікі не гарантуюць кампенсацыю выдаткаў на працу міліцыі і медыкаў падчас сустрэчы, - адзначылі чыноўнікі.
Еўрапейскае радыё
Усе навіны