У КДБ выклікаюць магілёўскіх актывістаў

Актывіста Руху “За Свабоду”, намесніка старшыні магілёўскай філіі партыі БНФ Змітра Салаўёва ўчора ўвечары дапытаў следчы КДБ маёр Ігар Грабаеў. Паводле палітыка, следчы задаваў пытанні, якія тычыліся выбуху ў Менску ў ноч на чацвёртае ліпеня.

 

“Следчы цікавіўся, ці быў я трэцяга ліпеня ў Менску, з кім туды езьдзіў і адкуль даведаўся пра выбух. Я адказаў, што ў Менску быў на сойме партыі БНФ і адразу па справах зьехаў у Кіеў. Пра выбух даведаўся з інтэрнэту”, — паведаміў “Свабодзе” адразу ж пасьля допыту ў КДБ Зьміцер Салаўёў.

 

Паводле Салаўёва, сьледчы цікавіўся й тым, дзе цяпер знаходзіцца актывіст Руху, старшыня рэгіянальнай арганізацыі партыі БНФ Рыгор Кастусёў. Зь ім Салаўёў разам езьдзіў на сойм.

 

Жонка Кастусёва Ларыса паведаміла “Свабодзе”, што ўчора нехта некалькі разоў тэлефанаваў і пытаўся мужа. На просьбу назвацца невядомы адразу клаў слухаўку.

Радыё Свабода

Усе навіны