Працягваецца афіцыйны двухдзённы візіт Аляксандра МІЛІНКЕВІЧА ў Фінляндыю

Працягваецца афіцыйны двухдзённы візіт лідэра аб’яднаных дэмакратычных сіл Аляксандра Мілінкевіча ў Фінляндыю, якая цяпер старшынюе ў Еўрапейскім Саюзе. Сёння Аляксандр Мілінкевіч правядзе перамовы са спікерам фінскага парламенту Паава Ліпаненам (Paavo Lipponen), кіраўнічкай камітэта па міжнародных справах парламента Ліісай Яаакансаары (Liisa Jaakonsaari) і лідэрамі парламенцкіх фракцый.

Фінляндыя: Тэмай перамоваў стала ўзмацненне санкцый супраць службовых асобаў Беларусі

Задавальненне вынікамі сённяшніх перамоваў з прэм’ер-міністрам Фінляндыі Мацці Ванханенам выказаў лідэр аб’яднаных дэмакратычных сіл Аляксандр МІЛІНКЕВІЧ. “Я пачуў самае важнае – увага Еўропы да Беларусі павялічваецца. Фінскі бок выказаў падтрымку аб'яднаным дэмакратычным сілам у імкненні да дэмакратычных пераменаў у Беларусі”.

Аляксандр МІЛІНКЕВІЧ: Мы будзем патрабаваць ад рэжыма Лукашэнкі вызвалення А.Казуліна

“Рашэнне суда пакінуць за кратамі Аляксандра Казуліна, які апынуўся там толькі за тое, што асмеліўся выступіць з крытыкай рэжыму – гэта вынік татальнага страху рэжыму перад праўдай людзей. Людзей, якія маюць уласную думку і свой погляд на палітычную сытуацыю ў Беларусі”. Так пракаментаваў рашэнне Калегіі Мінскага гарадского суда ў справе Аляксандра Казуліна лідэр аб’яднаных дэмакратычных сіл Аляксандр МІЛІНКЕВІЧ, які сёння знаходзіцца з афіцыйным візітам у Фінляндыі.

Аляксандр МІЛІНКЕВІЧ праводзіць сёння перамовы з прэм’ер-міністрам Фінляндыі

Сёння, 19 верасня лідэр аб’яднаных дэмакратычных сіл Беларусі Аляксандр Мілінкевіч прыбыў з афіцыйным двухдзённым візітам у Фінляндыю, якая цяпер старшынюе ў Еўрапейскім Саюзе. У плане візіта двухбаковая сустрэча з прэм’ер-міністрам гэтай краіны Мацці Ванханенам і шэрагам вядучых фінскіх палітыкаў. Падчас візіту беларускага палітыка ў Хельсінкі будзе абмеркаваная мажлівая рэакцыя Еўропы на пагрозу страты Беларуссю незалежнасці, а таксама пытанні ўдасканалення еўрапейскай палітыкі ў дачыненні да Беларусі, і еўрапейскай салідарнасці з палітзняволенымі ў нашай краіне.

Улады напалоханыя плануемымі сустрэчамі Аляксандра МІЛІНКЕВІЧА з насельніцтвам

У 14 з 17 гарадоў Мінскай вобласці мясцовыя ўлады забаранілі правядзенне сходаў жыхароў, у якіх планаваўся ўдзел лідэра аб’яднаных дэмакратычных сіл Аляксандра Мілінкевіча.

TYT.By: МІЛІНКЕВІЧ – плануем стратэгію разам

Партал TYT.By запрашае прыняць удзел у абмеркаванні новай тэмы на форумах сайта “Калі бы я быў Мілінкевічам”. Нам важнае вашае меркаванне, думкі і ідэі пра дзейнасць лідэра аб’яднаных дэмакратычных сіл Аляксандра МІЛІНКЕВІЧА і яго каманды.

Пакінуць свой каментар Вы можаце тут

http://www.forums.tut.by/showflat.php?Board=socleader&Number=2672418&page=&view=&sb=5&o=&fpart=1&vc=1

Міліцыя пагражае Аляксандру МІЛІНКЕВІЧУ арыштам

Пасля выступу лідэра аб’яднаных дэмакратычных сіл Аляксандра МІЛІНКЕВІЧА на “Вялікім джынсавым фэсце” да яго падыйшоў намеснік кіраўніка Савецкага РУУС Мінска і заявіў, што калі на Кастрычніцкай плошчы а 21 гадзіне збяруцца людзі, то палітык будзе прыцягнуты да адказнасці за арганізацыю несанкцыянаванага мерапрыемства.

Аляксандр МІЛІНКЕВІЧ на Джынсавым фэсце: Вы творыце сення гісторыю Беларусі

 “Менавіта моладзь вырашае лесы сваіх краін. Яна заўседы ідзе наперадзе ў барацьбе за свабоду, незалежнасць і дабрабыт народу. Вы творыце сення гісторыю Беларусі”, - заявіў лідэр аб’яднаных дэмакратычных сіл Аляксандр МІЛІНКЕВІЧ, вітаючы ўдзельнікаў акцыі “Вялікі джынсавы фэст”.

Наша Ніва: На Джынсавым фэсце з’явілася група правакатараў

На плошчы Бангалор, дзе праходзіць “Вялікі джынсавы фэст”,  з’явілася група правакатараў – п’яных людзей, якія ледзве стаяць на нагах. За імі ідзе аператар з вялікай камерай. Калі людзі паклікалі дружыну фэсту, вялікая камера знікла, замест яе з’явіліся «цывільныя» з маленькімі камэрамі і фільмуюць хто адкрыта, а хто потайкі з-пад курткі. Дружыннікі сказалі, што ў іх мала сілаў для такой групы. Зараз правакатары гуртуюцца каля сцэны.

У Мінску пачаўся “Вялікі джынсавы фэст”

А 16.00 гадзіне на плошчы Бангалор у Мінску пачаўся “Вялікі джынсавы фэст”. На гэты момант на «Джынсавым фэсце» сабралася каля дзвюх тысячаў гледачоў і людзі працягваюць падыходзіць. У акцыі салідарнасці з сем'ямі зніклых палітыкаў і палітзняволеных,  возьме ўдзел лідэр аб’яднаных дэмакратычных сіл Аляксандр МІЛІНКЕВІЧ, а таксама вядомыя музыканты, грамадскія дзеячы, палітыкі і прадстаўнікі творчай інтэлегенцыі.