На Кастрычніцкай плошчы 20 намётаў. Хроніка падзеяў. (Хартыя 97)

Раніцу 21 сакавіка на Кастрычніцкай плошчы сустрэла каля 500 чалавек. Цягам ночы там зьявіўся намётавы лягер, цяпер у ім 20 намётаў. А.Мілінкевіч у сваім выступе выказаў удзельнікам акцыі падзяку за іхную падтрымку. Усе падыходы да плошчы кантралююцца супрацоўнікамі міліцыі. А 6-й гадзіне аднавіўся мітынг на Кастрычніцкай плошчы, які пачаўся з гімну "Магутны Божа", паведамляе "Радыё Свабода".

Затрыманыя Аляксей Янукевіч і яшчэ 3 чалавекі.

Каля Дому афіцэраў ля ўваходу ў інтэрнэт-кавярню "Саюз-онлайн" затрыманыя намесьнік старшыні Партыі БНФ Аляксей Янукевіч і яшчэ 3 чалавекі. Ёсьць інфармацыя, што яны зьбітыя.

Затрыманыя Анатоль Лябедзька і Аляксандар Дабравольскі.

Міліцыя затрымала Анатоля Лябедзьку і Аляксандра Дабравольскага. Яны разам з Валянцінай Палевіковай і Людмілай Гразновай у 2.00 пайшлі папіць гарбаты ў бок ГУМу.

Звон Свабоды застаецца ў Цэнтральным РАУС Менску

Давераная асоба Аляксандра Казуліна Алесь Пашкевіч і аўтара Звана Свабоды скульптары Алесь Шатэрнік і Аляксей Марачкін прыйшлі
ў Цэнтральны РАУС з дакумэнтамі на звон з мэтай яго забраць.

Сыны Аляксандра Мілінкевіча вызваленыя

Прыблізна апоўначы сыны Аляксандра Мілінкевіча, якія былі затрыманыя раней на падыходзе да Кастрычніцкай плошчы, былі вызваленыя

Супрацоўнікі АМАПу каля Макдональдсу пачалі збіваць актывістаў дэмакратычнага руху

Дзесяткі наведнікаў макдональдсу сталіві відавочцамі відовішча, калі амапвец пачаў збіваць юнака за значкі "За Свабоду". Публіка заступілася за хлопца і выклікала яшчэ большую агрэсію ў амапаўца. Амапавец кампітуляваў

Моладзь поўная надзеі

Моладзь працягвае скандаваць "Жыве Беларусь", "Мілінкевіч". Самыя актыўныя вывесілі бел-чырвона-белыя сцягі на парадных падстаўках для сцягоў.

Мілінкевіч правёў перамовы з міліцыяй. Міліцыя дазволіла заставацца на плошчы

Народ скандуе "Міліцыя з народам" і расстаўляе намёты. Майдан пачынаецца

Затрымалі дзяцей Мілінкевіча

Зьявілася трывожныя зьвесткі. Паведамляецца, што былі затрыманыя сыны Мілінкевіча -- Вітаўт і Аляксандар. Прынамсі, зьвесткі пра затрыманьне старэйшага сына Аляксандра пацьвердзіла спадарыня Палевікова. Паводле яе, затрыманьня сына Мілінкевіча адбылося непадалёк ад падыходу да Кастрычніцкай плошчы.

АБСЕ: “Занадта шмат сур’ёзных парушэнняў”

АБСЕ не прызнае вынікаў прэзідэнцкіх выбараў у Беларусі. “Я бы не хацеў нічога большага, чым мець магчымасць зрабіць станоўчае заключэнне аб выбарах, назіранне якіх мы толькі што скончылі. На жаль, мелася занадта шмат сур’езных парушэнняў міжнародных стандартаў у галіне выбараў… Даць станоўчую ацэнку гэтым выбарам не ўяўяецца магчымым…”, - заявіў кіраўнік накіраванай БДІПЧ АБСЕ доўгатэрміновай місіі па назіранню пасол Герт- Хініх Арэнс.