Мілінкевіч правёў перамовы з міліцыяй. Міліцыя дазволіла заставацца на плошчы

Народ скандуе "Міліцыя з народам" і расстаўляе намёты. Майдан пачынаецца

Затрымалі дзяцей Мілінкевіча

Зьявілася трывожныя зьвесткі. Паведамляецца, што былі затрыманыя сыны Мілінкевіча -- Вітаўт і Аляксандар. Прынамсі, зьвесткі пра затрыманьне старэйшага сына Аляксандра пацьвердзіла спадарыня Палевікова. Паводле яе, затрыманьня сына Мілінкевіча адбылося непадалёк ад падыходу да Кастрычніцкай плошчы.

АБСЕ: “Занадта шмат сур’ёзных парушэнняў”

АБСЕ не прызнае вынікаў прэзідэнцкіх выбараў у Беларусі. “Я бы не хацеў нічога большага, чым мець магчымасць зрабіць станоўчае заключэнне аб выбарах, назіранне якіх мы толькі што скончылі. На жаль, мелася занадта шмат сур’езных парушэнняў міжнародных стандартаў у галіне выбараў… Даць станоўчую ацэнку гэтым выбарам не ўяўяецца магчымым…”, - заявіў кіраўнік накіраванай БДІПЧ АБСЕ доўгатэрміновай місіі па назіранню пасол Герт- Хініх Арэнс.

Юрыст Штаба А.Мілінкевіча: Падчас прэзідэнцкай кампаніі былі парушаны фактычна ўсе артыкулы Выбарчага кодэксу

Штаб Аляксандра Мілінкевіча рыхтуе скаргу ў Цэнтральную выбарчую камісію аб прызнанні незаконнымі выбараў прэзідэнта Беларусі. ”На гэты момант ужо спіс парушэнняў складае 9 старонак і гэта далёка не мяжа”, - адзначыў кіраўнік юрыдычнай групы Штаба Уладзімір Лабковіч.

Данута Бічэль: Саша Мілінкевіч – надзея на выхад з хлусні

За выбарамі, за кампаніяй Аляксандра Мілінкевіча сачыла вядомая беларуская паэтка Данута Бічэль, якая жыве ў Гродна. Па Радыё Свабода яна слухала — што адбывалася ў Мінску на Кастрычніцкай плошчы.

Аляксандр Мілінкевіч: "Лёс краіны мы зможам вырашыць толькі разам"

Кандыдат ад аб’яднаных дэмакратычных Аляксандар Мілінкевіч сёння заявіў пра непрызнанне вынікаў учорашніх выбараў.

Зварот старшыні Рады БНР І.Сурвілы да беларускага народу

Атаўская газэта "The Ottawa Citizen" перадрукавала 10 сакавіка артыкул Джэрэмі Пэйдж з "London Times" пад загалоўкам "Страх ахапіў Беларусь напярэдадні выбараў". І тут мне прыпомніліся словы папы Яна Паўла ІІ да польскага народу. "НЯ БОЙЦЕСЯ", - казаў ён. Словы гэтыя мелі велізарны водгук, і ім заўдзячаецца шматлікімі аналітыкамі перамога "Салідарнасьці" над нялюдзкім рэжымам.

Са Звароту старшыні Рады Беларускай Народнай Рэспублікі Івонкі Сурвіллы да суродзічаў-беларусаў на чужыне:

Нас сотні тысяч на чужыне. Кожны з нас мае доступ да палітыкаў. Калі "мы выйдзем шчыльнымі радамі" нас паслухаюць, не дазволяць новага паняволення нашага народу. Абавязкам кожнага беларуса - дапамагчы сваім суродзічам - сваім братам і сёстрам на Бацькаўшчыне.

Усе студэнты, адлічаныя па палітычных матывах, змогуць працягнуць навучанне ў ВНУ замежных краін

Адзіны кандыдат у прэзідэнты ад дэмакратычных сіл Аляксандр Мілінкевіч вядзе перамовы з урадамі і рэктарамі вядучых еўрапейскіх ВНУ, каб беларускія студэнты, адлічаныя за ўдзел у бягучай прэзідэнцкай кампаніі, мелі магчымасць працягнуць навучанне за межамі краіны. Ужо ёсць дамова аб падпісанні адпаведнага пагаднення з рэктарамі польскіх ВНУ.

Каментар А.Мілінкевіча адносна сённяшняй заявы кіраўніка КДБ Сцяпана Сухарэнкі

- Мы жадаем удачы кіраўніку КДБ у барацьбе з тэрарыстамі. Просім толькі яго не блытаць тэрарыстаў з мірнымі грамадзянамі, якія 19 сакавіка выйдуць з мірным пратэстам супраць фальсіфікацый, страха і прыніжэння. Ні я, ні актывісты майго Штаба, ні людзі, якія сёння выступаюць у Беларусі за перамены не з’яўляюцца злачынцамі і тэрарыстамі, - адказаў Аляксандр Мілінкевіч на сённяшнюю  заяву кіраўніка КДБ Сцяпана Сухарэнкі.