У Мсціслаўлі затрыманыя два актывісты штабу Мілінкевіча

Алесь Міхалевіч, кіраўнік штабу Аляксандра Мілінкевіча ў Першамайскім раёне Менску, і актывіст штабу Аляксандр Мазур затрыманыя супрацоўнікамі міліцыі Мсціслава Магілёўскай вобласці.

У Гродна працягваюць арыштоўваць давераных асоб А.Мілінкевіча. Хто наступны?

Сёння падчас абеду ў адной са сталовых Гродна былі затрыманыя давераная асоба Аляксандра Мілінкевіча і актывіст яго выбарчага Штаба. Сяргей Мальчык, давераная асоба кандыдата ў прэзідэнты, і Віктар Сазонаў арыштаваныя і дастаўлены ў Ленінскі РАУС Гродна. Іх абвінавачваюць у распаўсюдзе незаконна вырабленай прадукцыі.

У Гродна актывістаў Штаба А.Мілінкевіча судзяць за дробнае хуліганства

Сёння суд Ленінскага раёна Гродна прысудзіў 7 сутак арышту Максіму Губарэвічу, актывісту мясцовага Гарадскога Штабу А.Мілінкевіча. Хлопца абвінавацілі ў парушэнні артыкула 156 Кодэкса аб адміністрацыйных правапарушэннях (дробнае хуліганства).

АМАПаўцы затрымалі яшчэ адну давераную асобу Аляксандра Мілінкевіча

14.35 у Магілёве супрацоўнікамі АМАПа быў затрыманы і адвезены ў невядомым кірунку Рыгор Кастусёў, давераная асоба кандыдата ў прэзідэнты Аляксандра Мілінкевіча. Месцазнаходжанне яго застаецца невядомым.

УВАГА! ПРЭС-КАНФЕРЭНЦЫЯ!

У сераду, 15 сакавіка, адбудзецца прэс-канферэнцыя кандыдата ў прэзідэнты Беларусі Аляксандра Мілінкевіча. Канферэнцыя прысвечана заключнаму этапу прэзідэнцкіх выбараў. Прэс-канферэнцыя пройдзе па адрасе: пр-т Машэрава, 8 (былая вул.Варвашэні, 8). Пачатак у 11.00.

У Мінску працягваюцца суды над удзельнікамі сустрэчы з Мілінкевічам

Сёння ў судзе Фрунзенскага раёну Мінску судзяць яшчэ трох затрыманых удзельнікаў сустрэчы выбарцаў з кандыдатам у прэзідэнты Аляксандрам Мілінкевічам. Іх затрымалі 12 сакавіка пасля заканчэння сустрэчы каля Лядовага палацу на вуліцы Прытыцкага. У той вечар затрымалі больш за два дзясяткі чалавек, у тым ліку 8 грамадзянаў Украіны.

Сёння Аляксандр Мілінкевіч наведае Мозыр і Гомель

Кандыдат у прэзідэнты Беларусі Аляксандр Мілінкевіч працягвае паездкі па рэгіёнах. Сёння ён сустрэнецца з выбарцамі Мозыра і Гомеля.

Аляксандр Мілінкевіч наведаў арыштавых актывістаў сваёй кампаніі

Кандыдат у прэзідэнты Беларусі Аляксандр Мілінкевіч наведаў сёння арыштавых актывістаў сваёй кампаніі, якія зараз адбываюць пакаранне ў следчым ізалятары на вуліцы Акрэсьціна.

Актывісту Штаба А.Мілінкевіча міліцыянты зламалі руку, а суд прысудзіў 12 сутак арышту

Міхаілу Волчаку, актывісту Штаба А.Мілінкевіча, суд Маскоўскага раёна прысудзіў 12 сутак арышту. Суддзя абвінаваціла маладога чалавека ў парушэнні артыкула 167.1 Кодэкса аб адміністрацыйных правапарушэннях (актыўны ўдзел у несанкцыянаваным сходзе). А ўчора міліцыя падчас затрымання зламала хлопцу руку.

Пачаліся суды над украінцамі за ўдзел у сустрэчы з А.Мілінкевічам

У гэтыя хвіліны ў судзе Фрунзенскага раёна Мінска адбываюцца судовыя працэсы над грамадзянамі Украіны. Ужо па накатанай схеме суддзі абвінавачваюць удзельнікаў сустрэчы з Аляксандрам Мілінкевічам у парушэнні артыкула 167.1 Кодэкса аб адміністрацыйных правапарушэннях (актыўны ўдзел у несанкцыянаваным сходзе).