Суд над моладзевым актывістам Артурам Фінькевічам адбудзецца заўтра ў 10.00

Суд над адным з лідэраў "Маладога Фронту" і актывістам штаба А. Мілінкевіча Артурам Фінькевічам адбудзецца заўтра ў 10.00. Аб'яднаныя дэмакратычныя сілы заклікаюць усіх неабыякавых людзей прыйсці а 10-й гадзіне да Першамайскага суду (Талбухіна, 9) і выказаць сваю салідарнасць з маладым палітыкам.

Спэцназаўцы затрымліваюць моладзь за значкі "за Свабоду"

Супрацоўнікі міліцыі Ленінскага раёну Менску затрымалі сёньня шасьцёх актывістаў незарэгістраваных моладзевых рухаў.

Маршалак польскага Сэнату: "у Беларусі ўзыдзе зерне свабоды"

Маршалак польскага Сэнату Богдан Барусэвіч, зьвяртаючыся да палякаў усяго сьвету з нагоды сьвята Палёніі і палякаў за мяжой, асаблівую ўвагу зьвярнуў на сытуацыю, у якой апынуліся палякі, што жывуць у Беларусі.

Паводле свабоды СМІ, Беларусь на 185-м месцы ў сьвеце

Напярэдадні ўсясьветнага дня свабоды друку – 3 траўня – амэрыканская арганізацыя "Freedom House" абнародавала свой штогадовы агляд становішча СМІ ў сьвеце. Паводле гэтага дасьледаваньня, Беларусь знаходзіцца на 185 месцы паводле ступені свабоды мэдыяў са 194-х дзяржаваў сьвету.

Станіслаў Шушкевіч ня зьявіцца ў міліцыю

Сёньня, згодна з позвай, былы старшыня Вярхоўнага Савету 12-га скліканьня Станіслаў Шушкевіч павінен прыйсьці ва ўпраўленьне міліцыі Першамайскага раёну для складаньня пратаколу за нібыта парушэньне грамадзкага парадку ў часе масавага мерапрыемства. Плянавалася, што пасьля гэтага палітыка адвязуць у суд. Але Станіслаў Шушкевіч сёньня ў міліцыю ня прыйдзе.

У Вільні прайшла фотавыстава "Хронікі абуджэння"

Увазе гледачоў былі прадстаўленыя фатагрфіі, зробленыя людзьмі, якія прымалі ўдзел у акцыях у Менску з 19 па 25 сакавіка 2006 г, інсталяцыі і відэафільмы прысвечаныя падзеям месяцовай даўніны. Дакументальныя здымкі акцыяў былі зробленыя неакрэдытаванымі журналістамі, фотамастакамі, фотааматарамі, якія рызыкавалі сваёй свабодай, але захавалі падзеі, у якіх самі прымалі ўдзел

Першамайскі мітынг завершаны

На гэты момант на плошчы Бангалор мітынг салідарнасці з беларускімі палітвязнямі завершыўся. Удзельнікі акцыі прагаласавалі за прыняцце дзвюх рэзалюцый – за адмену кантрактнай сістэмы і за патрабаванне вызваліць усіх палітвязняў.
Арганізатары заклікалі ўсіх спакойна разыйсціся і не паддавацца на правакацыі.

Несанкцыянаваны мітынг у парку Дружбы народаў пачаўся

Несанкцыянаваны мітынг у парку Дружбы народаў пачаўся. Прыкладна каля 1,5 тысячы чалавек бяруць у ім удзел......

Акцыя 1 траўня пачалася

Як і чакалася, усе, хто вырашыў прыйсці і патрымаць акцыю 1 траўня, аб 11-ай пачалі збірацца ля Акадэміі навук. Паколькі лідэры дэмакратычных сілаў знаходзяцца за кратамі, ініцыятыву правядзення мітынгу на сябе ўзялі Станіслаў Шушкевіч, Іна Кулей, Анатоль Лябедзька.
Пасля безвыніковых спроб даказаць міліцыянтам, што мірныя людзі ў сваёй краіне вольныя збірацца, дзе пажадаюць, Станіслаў Шушкевіч усё ж заклікаў удзельнікаў акцыі скіравацца ў бок плошчы Бангалор (дазволенае месца мітынгу) і правесці яго там.

УВАГА! Навіны з акцыі 1 мая ON-LINE

Сеціўная служба Аляксандра Мілінкевіча 1 мая у 11:00 распачынае WAP-сэрвіс для прамой трансляцыі з акціі, прысвечанай Дню працы. Кожныя пяць хвілінаў па адрасах http://milinkevich.org/way/ , http://way.freehostia.com, http://way.awardspace.biz будуць публікавацца навіны, паведамленьні ад арганізатараў, карысная інфармацыя.

Карыстальнікі, якія не маюць WAP, трансляцыю глядзіце па адрасе: http://milinkevich.org/way/wap.html
Для карыстальнікаў PDA адрас http://milinkevich.org/way/emulator.php