«Гэта будзе выбар паміж дабром і злом, паміж праўдай і хлуснёй, паміж будучыняй і мінуўшчынай»

Прэс-канферэнцыя Аляксандра Мілінкевіча ў Мінску 28 снежня 2005 года

Еўрапейскія палітыкі жадаюць Аляксандру Мілінкевічу перамогі ў 2006 годзе

Старшыня найбуйнейшай апазіцыйнай фракцыі парламента Польшчы,  лідэр партыі “Грамадзянская платформа” Дональд Туск павіншаваў Аляксандра Мілінкевіча з Новым годам і Нараджэннем Хрыстовым.

Аляксандр Мілінкевіч дасць прэс-канферэнцыю

28 снежня, у 11.00 адбудзецца прэс-канферэнцыя лідэра аб’яднаных дэмакратычных сілаў Аляксандра Мілінкевіча. Канферэнцыя прысвечана падвядзенню вынікаў года і планам прэзідэнцкай выбарчай кампаніі.

Прэс-канферэнцыя пройдзе па адрасе: праспект Машэрава, 8 (былая вул. Варвашэні)

Ініцыятыўная група Аляксандра Мілінкевіча зарэгістравана

Сёння рашэннем ЦВК зарэгістравана ініцыятыўная група Аляксандра Мілінкевіча па збору подпісаў для вылучэння яго кандыдатам у прэзідэнты. Колькасць сябраў ініцыятыўнай групы склала 5.135 чалавек. Кіраўніком ініцыятыўнай групы зацверджаны прафсаюзны лідэр Аляксандр Бухвостаў.

Аляксандр Мілінкевіч віншуе беларусаў з Калядамі і Новым годам

На сайце змешчанае відэавіншаванне адзінага прэтэндэнта ад дэмакратычных сіл Аляксандра Мілінкевіча да Калядаў і Новага года. Спампаваць яго можна тут

“Залатое сэрца” Аляксандра Мілінкевіча

Традыцыйна ў канцы кожнага года Фундацыя хрысціянскай дэмакратыі Малдовы ганаруе Адзнакай “Залатое Сэрца” выдатных дзеячоў у краіне і ў свеце, якія ўнеслі істотны ўклад у сцверджанне нацыянальных, хрысціянскіх і еўрапейскіх каштоўнасцяў.

Аляксандр Мілінкевіч здаў спіс ініцыятыўнай групы, куды ўвайшлі 5.136 чалавек

Сёння Аляксандр Мілінкевіч здаў у Цэнтральную камісію па выбарах і правядзенні рэспубліканскіх рэферэндумаў спіс ініцыятыўнай групы па зборы подпісаў за вылучэнне кандыдатам у прэзідэнты. Разам з ім у ЦВК прыйшлі кіраўнік ініцыятыўнай групы Аляксандр Бухвостаў і кіраўнік штаба адзінага прэтэндэнта Сяргей Калякін.
Колькасць сябраў ініцыятыўнай групы склала 5 тысяч 136 чалавек.

Аляксандр Мілінкевіч каментуе апошнія прызначэнні ў галіне інфармацыі і культуры

 “Апошнія прызначэнні, якія  А.Лукашэнка вымушаны быў зрабіць на беларускіх тэлеканалах, яскрава сведчаць пра тое, што ў нас тэлебачанне не інфармацыйнае, а прапагандысцкае. Бо два з трох агульнанацыяльных дзяржаўных тэлеканалаў узначалілі “спецыялісты” ў галіне прапаганды. Яна і зойме месца творчасці і інфармацыі. Шкада. Але, думаю, гэта ненадоўга.

Пенсійная рэформа: 55 адсоткаў дзяржбюджэту - на патрэбы пенсіянераў

Праблемы дэмаграфіі і пенсійнай рэформы абмяркоўвалі сёння ўдзельнікі "круглага стала" на тэму “Дэмаграфічная сітуацыя ў Беларусі. Пенсійная рэформа”. Арганізатарам дыскусіі выступіў Нацыянальны камітэт аб’яднаных дэмакратычных сілаў, які рыхтуе пакет рэформаў для будучага ўрада Аляксандра Мілінкевіча.

Далучайцеся да ініцыятыўных груп!

Засталося некалькі дзён да канца рэгістрацыі ініцыятыўных груп. Далучайцеся! Падтрымайма Аляксандра Мілінкевіча! Звяртайцеся на наступныя адрасы і кантактныя тэлефоны. Альбо праз форму http://by.milinkevich.org/feedback/