Даверанай асобе А.Мілінкевіча Вінцуку Вячорку прысудзілі 15 сутак арышту

15 сутак арышту прысудзіў сёння суд Маскоўскага раёна Мінска Вінцуку Вячорку, даверанай асобе кандыдата ў прэзідэнты Беларусі Аляксандра Мілінкевіча, лідэру партыі БНФ. Яго абвінавацілі ў парушэнні артыкула 167.1 Адміністрацыйнага кодэксу - арганізацыя несанкцыянавага сходу.

Аляксандр Мілінкевіч наведаў у шпіталі збітага міліцыяй карэспандэнта газеты "Комсомольская правда" в Белоруссии"

Кандыдат у прэзідэнты Беларусі Аляксандр Мілінкевіч разам з жонкай вечарам 8 сакавіка наведалі карэспандэнта газеты "Комсомольская правда" в Белоруссии" Алега Улевіча, які знаходзіцца ў 9-й клінічнай бальніцы Мінска з чэрапна-мазгавой траўмай і пераломам касцей носа.

Аляксандр Мілінкевіч правёў прэс-канферэнцыю на прыступках будынка суда

- Выбарчая кампанія цынічная і незаконная, але нас не запалохаеш. Мы будзем змагацца да перамогі - такую заяву зрабіў кандыдат у прэзідэнты Аляксандр Мілінкевіч 9 сакавіка на прэс-канферэнцыі, што прайшла на прыступках будынка суда Маскоўскага раёна Мінска.

Аўдыёзапіс выступу Мілінкевіча перад выбарнікамі на сустрэчы 8 сакавіка каля к/т "Бярэсце" можна спампаваць з сайта milinkevich.org

Сайт і сеціўная група падтрымкі Аляксандра Мілінкевіча прапануе вам для спампавання шэраг аўдыёвізуальных матэрыялаў з выбарчай кампаніі аб'яднаных дэмакратычных сілаў. Мініфільм з акцыі 2 сакавіка, выступ па радыё 6 сакавіка, выступ перад выбарнікамі 8 сакавіка і шмат іншага. http://by.milinkevich.org/formassmedia/audvid

Вінцук Вячорка знаходзіцца ў следчым ізалятары па вул.Акрэсціна. Заўтра суд

Зараз супрацоўнікі Штаба Аляксандра Мілінкевіча высвятляюць падрабязнасці незаконнага затрымання Вінцука Вячоркі і іншых актывістаў каманды А.Мілінкевіча

Увага! Прэс-канферэнцыя!

У чацвер, 9 сакавіка, адбудзецца прэс-канферэнцыя кандыдата ў прэзідэнты Беларусі Аляксандра Мілінкевіча. Канферэнцыя прысвечана затрыманням давераных асоб А.Мілінкевіча і актывістаў яго выбарчага Штабу. Прэс-канферэнцыя пройдзе па адрасе: пр-т Машэрава, 8 (былая вул.Варвашэні, 8). Пачатак у 11.00.

Аляксандр Мілінкевіч патрабуе ад міліцыі тэрмінова знайсці яго давераную асобу і актывістаў Штабу

У гэтыя хвіліны кандыдат у прэзідэнты Беларусі Аляксандр Мілінкевіч знаходзіцца ў ГУУС Мінгарвыканкама і складае заяву, у якой патрабуе ад супрацоўнікаў міліцыі знайсці яго давераную асобу Вінцука Вячорку і іншых актывістаў выбарчага Штабу, затрыманых сёння пасля сустрэчы з выбарцамі каля кінатэатра “Бярэсце”.

Улада панічна баіцца сустрэч А.Мілінкевіча з выбарцамі і пагэтаму груба парушае закон

Улады зрабілі захады, скіраваныя на зрыў сустрэчы кандыдата ў прэзідэнты ад аб'яднаных дэмакратычных сіл Аляксандра Мілінкевіча з выбарцамі, што павінна была адбыцца 8 сакавіка а 15-й гадзіне ў Палацы культуры (ПК) МТЗ у Мінску. На гэтую сустрэчу прыйшлі каля 200 чалавек.

Міліцыянты затрымалі і збілі давераную асобу А.Мілінкевіча

Пасля сустрэчы з выбарцамі кандыдата ў прэзідэнты Аляксандра Мілінкевіча каля кінатэатра “Бярэсце”, супрацоўнікі міліцыі і АМАПа затрымалі аўтамабіль з гукаўзмацняльнай апаратурай, у якой знаходзіўся Вінцук Вячорка, давераная асоба кандыдат ў прэзідэнты Аляксандра Мілінкевіча, а таксама шэраг іншых актывістаў выбарчага Штаба.

Аляксандр Мілінкевіч: Вясна - гэта надзея і вера. І я веру, што мы пераможам!

Каля 1.500 чалавек прыйшлі 8 сакавіка да кінатэатра "Бярэсце" ў Мінску, каб сустрэцца з кандыдатам у прэзідэнты Аляксандрам Мілінкевічам.