Сёння А.Мілінкевіч наведвае Маладзечна, Вілейку і Радашковічы

У 10.15 пачалася першая сустрэча адзінага прэтэндэнта ад дэмакратычных сіл Беларусі Аляксандра Мілінкевіча ў горадзе Маладзечна Мінскай вобласці. Ён наведае гарадскі рынак, сустрэнецца з дэмакратычным актывам горада.

Той, хто аддае свой здабытак, рана ці позна будзе танчыць пад тое, што яму граюць на балалайцы - Ю.Еханураў

У інтэрв'ю тэлекампаніі "5 канал" (г.Кіеў) в.а. прэм'ер-міністра Украіны Юрый Еханураў заявіў:

- Беларусь, у адрозненнi ад Украіны, здала трубу, і цяпер "Белтрансгаз" не з'яўляецца іх уласнасцю. Адсюль і такія нізкія цэны на газ для Беларусі. А мы трубу не аддамо. Той, хто аддае свой здабытак, рана ці позна будзе танчыць пад тое, што яму граюць на балалайцы.

Аляксандр Мілінкевіч знаходзіцца сёння ў горадзе Глыбокае Віцебскай вобласці

Адзіны прэтэндэнт ад дэмакратычных сіл Аляксандр Мілінкевіч сустрэўся з жыхарамі Глыбокага на мясцовым рынку "Верас". Акрамя гэтага палітык даў інтэрв'ю ў рэдакцыі незалежнай газеты "Вольнае Глыбокае". Таксама ў парадку дня перамовы з актывістамі глыбоцкага раённага штаба. Аляксандр Мілінкевіч плануе сёння правесці шэраг іншых сустрэч.

Супрацоўнікі сацыяльных службаў вымагаюць у выбаршыкаў подпісы ў падтрымку Лукашэнкі

У Штаб адзінага прэтэндэнта ад дэмакратычных сілаў Аляксандра Мілінкевіча звярнуўся Сяргей Вінік, які жыве па адрасе: г.Мінск, вул.П.Глебкі, д.90, кв.15. Ён паведаміў, што 5 студзеня прыкладана а 19 гадзіне да яго ў дом прыйшла супрацоўніца сацыяльнай службы Адміністрацыі Фрунзенскага раёна і прапанавала падпісацца за вылучэнне Аляксандра Лукашэнка кандыдатам у прэзідэнты. С.Вінік заявіў, што ў яго сям’і ніхто за Лукашэнка падпісвацца не будзе. Чыноўніца ўспрыняла гэтую адмову даволі агрэсіўна, фактычна спрабуючы зайсці ў дом без дазволу гаспадароў. А на развітанне яшчэ і пагражала С.Вініку: “Чакайце, вы да нас у ЖЭС яшчэ прыйдзеце...”

Працягваюцца паездкі Аляксандра Мілінкевіча па Віцебшчыне

Сёння адзіны прэтэндэнт наведае Глыбокае, 15 студзеня - Маладзечна і Вілейку, 17 студзеня - Слонім і Ваўкавыск, 18 студзеня - Ліду і Воранава, 19 студзеня - Смаргонь і Ашмяны, 20 студзеня - Шклоў і Горкі. Каб даведацца пра дакладны час і месцы сустрэч, звяртайцеся да мясцовых дэмакратычных актывістаў альбо да абласных кіраўнікоў штаба.

Інтэрв'ю Аляксандра Мілінкевіча тэлеканалу Euronews

Прапануем Вам спампаваць відэафайл з інтэрв'ю Аляксандра Мілінкевіча тэлеканалу Euronews: http://by.milinkevich.org/euronews-interview.avi (15 мб)

Мінская міліцыя паспрабавала сарваць працу мабільнага пункта збору подпісаў у падтрымку Аляксандра Мілінкевіча

Як паведамляла прэс-служба штаба адзінага прэтэндэнта, сёння ў 13.00 на рынку "Ждановічы" пачаў сваю працу мабільны пункт збору подпісаў грамадзян у падтрымку Аляксандра Мілінкевіча. Каля зборшчыкаў подпісаў выстраілася агромністая чарга - падпісваліся як прадпрымальнікі, так і наведнікі рынку. Усе актыўна выказвалі сваю падтрымку адзінаму прэтэндэнту ад дэмакратычных сіл.

Улады адкрыта дэманструюць, што Аляксандр Мілінкевіч з’яўляецца адзіным рэальным канкурэнтам сённяшняга кіраўніка дзяржавы

Падчас усіх паездак па Віцебшчыне за Аляксандрам Мілінкевічам неадступна следуюць машыны з зацемненымі шыбамі. Міліцыянты і людзі ў цывільным прысутнічаюць на кожнай публічнай сустрэчы адзінага прэтэндэнта. У прыватнасці, размова Аляксандра Мілінкевіча са студэнтамі Віцебскага дзяржаўнага універсітэта імя Пятра Машэрава здымалася на відэакамеру.

Аляксандр Мілінкевіч сустрэўся з жыхарамі Віцебска і выслухаў іх праблемы

Каля сотні жыхароў Віцебска сустрэлі Аляксандра Мілінкевіча ў цэнтры горада на вуліцы Леніна каля пункта збору подпісаў. Яго з’яўленне было сустрэта апладысментамі. Разумеючы пагрозу таго, што падобныя сустрэчы могуць быць успрыняты ўладай за агітацыю, якую на дадзеным этапе выбарчае заканадаўства забараняе, Аляксандр Мілінкевіч больш слухаў выказванні людзей наконт сённяшняга жыцця ў Беларусі.

Аляксандр Мілінкевіч: мы будзем змагацца за кожнага чалавека, пакрыўджанага ўладай

На сустрэчы з кіраўніцтвам выбарчай камісіі Кастрычніцкага і Першамайскага раёнаў горада Віцебска адзіны прэтэндэнт ад дэмакратычных сіл Аляксандр Мілінкевіч патрабаваў спыніць пераслед і рэпрэсіі ўлады ў дачыненні да сябраў яго віцебскай ініцыятыўнай групы.