Кіраўнік штабу Сяргей Калякін адкажа на пытанні слухачоў Радыё Свабода

У панядзелак, 20 лютага, а 10-й гадзіне паводле мінскага часу, на вэб-сайце Радыё Свабода адбудзецца онлайн канферэнцыя з Сяргеем Калякіным – кіраўніком перадвыбарчага штабу Аляксандра Мілінкевіча, лідэрам Партыі камуністаў Беларускай.

Вы можаце дасылаць свае пытанні па наступным адрасе: http://www.svaboda.org/forum/Forum.aspx

Аляксандр Мілінкевіч наведае Гомельшчыну. План сустрэчаў на 19-20 лютага

19-20 лютага кандыдат у прэзідэнты Беларусі Аляксандр Мілінкевіч будзе знаходзіцца з візітам на Гомельшчыне. Ён наведае Гомель,  Жлобін, Светлагорск, Рэчыцу, Мазыр, Калінкавічы. Вось асноўныя месцы сустрэчаў будучага прэзідэнта з выбарцамі 19-20 лютага.

Аляксандр Мілінкевіч: Важна не столькі тое, якімі прыроднымі багаццямі валодае краіна, а тое, што ў галовах кіраўніцтва дзяржавы

У Магілёўскім гарадскім цэнтры культуры і вольнага часу адзіны кандыдат у прэзідэнты Беларусі ад дэмакратычных сіл Аляксандр Мілінкевіч распачаў сустрэчу з выбаршчыкамі. Зал, разлічаны на 400 чалавек, запоўнены цалкам.

Аляксандр Мілінкевіч распачаў сваю агітацыйную кампанію з Бабруйска

18 лютага кандыдат у прэзідэнты Беларусі Аляксандр Мілінкевіч распачаў сваю агітацыйную кампанію. Першым горадам стаў Бабруйск. На цэнтральнай плошчы сабраліся каля 400 чалавек, якія, нягледзячы на снег і перашкоды ўлады, прыйшлі павітаць будучага прэзідэнта.

Глядзіце і слухайце: Аляксандр Мілінкевіч у эфіры

Аляксандр Мілінкевіч атрымае тэлеэфір 22 лютага з 18.00 да 18.30 і 2 сакавіка з 18.30 да 19.00, а радыёэфір - 27 лютага з 8.30 да 9.00 і 6 сакавіка з 8.00 да 8.30.

Такое рашэнне прыняла сёння Цэнтральная камісія Рэспублікі Беларусь па выбарах і правядзенні рэспубліканскіх рэферэндумаў падчас лёсавання чарговасці прадстаўлення эфірнага часу кандыдатам на пасаду прэзідэнта. Гэтая працэдура адбылася 17 лютага на пасяджэнні ЦВК, праз некалькі гадзін пасля рэгістрацыі прэтэндэнтаў.

Аляксандр Мілінкевіч: Гэта быў спектакль, у ход якога мы ўмяшаліся

"Гэта быў спектакль, у ход якога мы ўмяшаліся" - так ахарактарызаваў працэдуру рэгістрацыі кандыдатаў на пасаду прэзідэнта Беларусі лідэр аб'яднаных дэмакратычных сіл Аляксандр Мілінкевіч у інтэрв'ю БелаПАН.

Выступ Аляксандра Мілінкевіча на паседжанні ЦВК 17 лютага

Шаноўнае спадарства!

Рашэнне аб удзеле ў прэзідэнцкіх выбарах было для мяне нялёгкім, бо ў нашай краіне знікаюць апаненты ўлады, ёсць палітычныя вязні, ліквідуюць партыі і грамадскія арганізацыі, незалежныя прафсаюзы. Фактычна зліквідаваная незалежная прэса.

Аляксандр Мілінкевіч распачаў перадвыбарчую кампанію ўскладаннем кветак да вечнага агню

Сваю перадвыбарчую прэзідэнцкую кампанію Аляксандр Мілінкевіч распачаў ускладаннем кветак да вечнага агню на плошчы Перамогі. Разам з ім да гэтага святога месца для кожнага беларуса прыйшлі сотні яго прыхільнікаў. Вось, што сказаў кандыдат у прэзідэнты каля абеліска Перамогі:

Аляксандра Мілінкевіча віталі ў цэнтральнага выхаду Палаца Рэспублікі. Лукашэнка пакінуў Палац праз задні выхад

Сотні прыхільнікаў кандыдата ў прэзідэнты Аляксандра Мілінкевіча сустрэлі свайго лідэра на Кастрычніцкай плошчы каля Палаца Рэспублікі. Мінск, Жодзіна, Карэлічы, Гродна, Барысаў, Рэчыца, Талочын, Салігорск, Жлобін, Полацк, Наваполацк скандзіравалі “Мілінкевіч!!!”

Аляксандр Мілінкевіч зарэгістраваны кандыдатам у прэзідэнты Беларусі

Лідэр аб’яднаных дэмакратычных сіл Аляксандр Мілінкевіч зарэгістраваны кандыдатам на пасаду прэзідэнта Беларусі. Цырымонія рэгістрацыі адбылася 17 лютага ў Палацы Рэспублікі.