Станіслаў Шушкевіч: Я ганаруся тым, што ў нас ёсць адзіны лідэр Аляксандр МІЛІНКЕВІЧ

- Я ганаруся тым, што ў нас ёсць адзіны лідэр Аляксандр Мілінкевіч, таму што чалавек такога ўзроўню адукаванасці і цывілізаванасці заслугоўвае вялікай павагі, яго мужнасць зайздросная, у пэўным сэнсе, для мяне, - заявіў Станіслаў Шушкевіч падчас онлайн-канферэнцыі на Радыё Свабода.

КГБ атакуе сябраў дэлегацыі Аляксандра МІЛІНКЕВІЧА

Сёння падчас допыту супрацоўнікі ўпраўлення КГБ па Гарадзенскай вобласці адабралі пашпарт у Анжалікі Борыс, кіраўнічкі Саюза палякаў у Беларусі. Анжаліка Борыс уваходзіць у склад дэлегацыі, якая 11 снежня, разам з Аляксандрам Мілінкевічам, вылеціць у Страсбур, дзе лідэр аб'яднаных дэмакратычных сіл мае атрымаць узнагароду Еўрапейскага парламента імя Андрэя Сахарава. Аляксандр Мілінкевіч перакананы, што гісторыя з пашпартам Анжалікі Борыс не ёсць выпадковай, і звязана менавіта з візітам у Страсбург.

Аляксандр Мілінкевіч вылучыў Аляксандра Казуліна на атрыманне прэстыжнай прэміі ў галіне правоў чалавека

Сёння лідэр аб'яднаных дэмакратычных сілаў Беларусі Аляксандр Мілінкевіч ініцыяваў вылучэнне Аляксандра Казуліна на прэстыжную прэмію Марціна Эналса, першага Генеральнага сакратара Amnesty International. Прэмія Марціна Эналса з’яўляецца адной з галоўных узнагародаў руху за правы чалавека. Яе лаўрэатамі становяцца людзі, якія з'яўляюцца "сімваламі барацьбы за правы чалавека ў краінах, дзе абарона правоў чалавека і дэмакратыі прадстаўляе сабой небяспечны від дзейнасці".

Белаазёрская міліцыя цікавілася планамі МІЛІНКЕВІЧА

Міліцыя адпусціла лідэра аб’яднаных сіл Аляксандра Мілінкевіча і яго памочніка Аляксея Кавальца. З іх былі ўзятыя тлумачэнні па факту затрымання. Аднак, паводле словаў Аляксандра Мілінкевіча, міліцыянтаў збольшага цікавіў не “распаўсюд наркотыкаў і алкаголю”, а што палітык рабіў у Белаазёрску, па якіх пал’ездах і ў якія кватэры ён заходзіў, куды накіроўваецца далей.

Магчыма такім чынам беларускія спецслужбы праз супрацоўнікаў міліцыі спрабуюць атрымаць больш інфармацыі пра дзейнасць лідэра аб’яднаных дэмакратычных сіл і яго каманды.

МІЛІНКЕВІЧА падазраюць у распаўсюдзе наркотыкаў і спіртнога

Лідэр абя’днаных дэмакратычных сіл Аляксандр Мілінкевіч затрыманы ў Белаазёрску за распаўсюд наркотыкаў і алкаголю. Зараз палітык знаходзіцца ў  Гарадскім аддзеле ўнутраных спраў Белаазёрска, дзе на яго складаецца пратакол і праводзіцца асабісты дагляд ягоных рэчаў і аўтамабіля. Разам з ім затрыманы яго памочнік Аляксей Кавалец.

Збор подпісаў за дэмкандыдатаў Аляксандр МІЛІНКЕВІЧ заканчвае ў Белаазёрску і Пінску

Аляксандр Мілінкевіч заканчвае першы этап палітычнай кампаніі “мясцовыя выбары” ў Белаазёрску і Пінску. Сёння, 4 снежня, у апошні дзень збора подпісаў за вылучэнне кандыдатаў у дэпутаты мясцовых Саветаў, лідэр аб’яднаных дэмакратычных сіл наведвае менавіта гэтыя гарады.

Улады на Берасцейшчыне не перашкаджаюць МІЛІНКЕВІЧУ збіраць подпісы за дэмакратычных кандыдатаў

У нядзелю лідэр аб’яднаных дэмакратычных сіл Беларусі Аляксандр Мілінкевіч падтрымаў патэнцыйных кандыдатаў у дэпутаты ў мясцовыя Саветы трох гарадоў Берасцейскай вобласці – Высокага, Брэста і Бярозы. У гэтых гарадах Аляксандр Мілінкевіч збіраў подпісы за прадстаўнікоў БСДП (НГ), Партыі БНФ і беспартыйных.

МІЛІНКЕВІЧ вядзе кампанію на Берасцейшчыне

Зборам подпісаў за патэнцыйных кандыдатаў ад дэмакратычнага руху на Берасцейшчыне лідэр аб'яднаных дэмакратычных сіл Аляксандр Мілінкевіч заканчвае першы этап палітычнай кампаніі "мясцовыя выбары". 3-4 снежня ён наведае Бярозу, Белаазёрск, Пінск, Высокае і Брэст.

У Лідзе МІЛІНКЕВІЧУ чырвона-зялёнай фарбай размалявалі аўтамабіль

Сапраўдную істэрыю ў горадзе ўчыніла сёння падчас візіту Аляксандра Мілінкевіча ў Ліду мясцовая ўлада. Дайшло нават да таго, што “невядомымі” была грунтоўна размаляваная машына, якой прыехаў лідэр аб’яднаных дэмакратычных сіл. У аўтарстве сумнявацца не даводзіцца, бо аўтографы былі зробленыя чырвона-зялёнай фарбай.

Сёння МІЛІНКЕВІЧ у Лідзе і Слоніме

Лідэр аб’яднаных дэмакратычных сілаў Аляксандр Мілінкевіч працягвае свой візіт на Гродзеншчыну ў рамках палітычнай кампаніі "мясцовыя выбары". Сёння ён збірае подпісы за  вылучэнне дэмакратычных прадстаўнікоў кандыдатамі ў дэпутаты мясцовых Саветаў Ліды і Слоніма.