Лукашэнка забароніць уезд у Беларусь нават без "чорных спісаў"

Учора Аляксандр Лукашэнка пасля доугага перапынку выправіўся ў рабочую паездку на Гарадзеншчыну. Ён зняпраўдзіў чуткі пра кепскі стан свайго здароуя і заявіў, што кантралюе сітуацыю ў краіне.

Моладзь хочуць схаваць за краты

Супраць актывіста вулічных апазіцыйных акцый Міхася Панкова супрацоўнікі міліцыі распачалі крымінальную справу. 13 красавіка паплечнікі 23-гадовага Міхася Панкова даведаліся, што яго затрымалі супрацоўнікі міліцыі Савецкага раёну Менску. Ад 11 красавіка ён знаходзіцца ў ізалятары часовага утрымання па падозранню ва ухіленні ад вайсковых абавязкаў. Сябры Міхася лічаць, што хлопца затрымалі менавіта з прычыны ягонага актыўнага удзелу ў вулічных акцыях апазіцыі.

Аляксандр Мілінкевіч: "Я шчыра веру, што 16 красавіка мы будзем салідарныя з тымі, хто сёння застаецца ў турмах"

"Пасля 19 сакавіка салідарнасць мае для нас вялізнае значэнне. Усё, хто стаяў на пляцы, абараняў намётавае мястэчка, адчувалі салідарнасць, плячом да пляча. І сённяшняе вызваленне Міхася Марыніча – гэта вынік нашай салідарнасці. Улада не ўпэўненая ў сабе, і гэтая няўпэўненасць узмацняецца. Я шчыра веру, што 16 красавіка ў Дні салідарнасці прымуць удзел яшчэ больш людзей, што мы будзем салідарныя з тымі, хто сёння застаецца ў турмах"

Дзесяць перасьледаваных беларускіх студэнтаў давучацца ў Эстоніі

Эстонія дае магчымасьць атрымаць вышэйшую адукацыю студэнтам зь Беларусі, якія пацярпелі ад палітычнага перасьледу. Урад гэтай краіны прыняў рашэньне аплаціць навучаньне і пражываньне у Эстоніі дзесяці студэнтам, якіх па палітычных прычынах выключылі з вышэйшых навучальных установаў у Беларусі. На навучаньне кожнага студэнта ўрад Эстоніі вылучае прыкладна 164 тысячаў кронаў (прыкладна 10 тысячаў даляраў).

"Малады фронт" дзякуе Камітэту дапамогі ахвярам палітычных рэпрэсіяў!

Мы выказваем шчырую падзяку за тую вельмі неабходную працу, якую вы робіце у адносінах да людзей, што за свае палітычныя погляды былі адлічаныя з навучальных установаў, асуджаны да прыніжальных сутак арышту ў спэцпрыемніку ці прыцягнутыя да крымінальнай адказнасьці.

Віктар Івашкевіч: "За 20 год пасля выбуху Чарнобылю нічога не змянілася"

Упершыню Чарнобыльскі шлях быў праведзены ў кастрычніку 1989 году. А 26 красавіка наступнага году на Плошчы Незалежнасьці (тады Плошча Леніна) сабраліся людзі, каб ушанаваць памяць ахвяраў Чарнобыльскай катастрофы. Пасьля Гадзіны Смутку – такую назву атрымала тое мерапрыемства – на плошчы пасьля гадзіннага стаяньня людзей засталося 5000 сьвечак. У кастрычніку адбыўся ўжо сапраўдны Чарнобыльскі шлях па маршруце гадзіньнікавы завод – Плошча Леніна.

Студэнты, адлічаныя з педуніверсітэту, адзначылі Дзень касманаўтыкі

Учора ў бібліятэцы Чырвонага касьцёлу адбылася незвычайная імпрэза, прысьвечаная Дню касманаўтыкі. Яе арганізатары і вядоўцы, Люда Асіпенка, Дзяніс Дзюба, Алесь Карцель і Рыгор Шкурынаў, яшчэ некалькі тыдняў таму назад былі студэнтамі пэдагагічнага ўнівэрсытэту. Усе чацьвёра былі выключаныя з ВНУ за ўдзел у палітычных акцыях. Дзяніс Дзюба даведаўся, што ня вучыцца больш ва ўнівэрсытэце адразу пасьля таго, як выйшаў з Акрэсьціна, Люда, Алесь і Рыгор пазбавіліся права атрымоўваць адукацыю ў “пэдзе” яшчэ да выбараў.

Ці будуць адлічаць з гістфаку БДУ

Актывісты кампаніі Мілінкевіча і студэнты гістарычнага факультэту БДУ Яўген Неткачэў і Сьцяпан Сьвідзерскі ўчора былі папярэджаныя пра магчымасць іх адлічэння з універсітэту за ўдзел у палітычных акцыях. Хлопцы, вярнуўшыся пасьля 15 сутак на зьяволеньня, вярнуліся на заняткі і не прапускалі іх. Зараз ім трэба пісаць тлумачальныя запіскі на імя рэктара БДУ і тлумачыць, чаму яны ўдзельнічалі ў несанкцыянаваных мерапрыемствах.

Выстава «Хронікі абуджэння» адбудзецца з 16 па 23 красавіка ў Вільні

Дакументальныя здымкі акцый пратэсту ў Мінску 19-25 сакавіка, зроблены не акрэдытаванымі фотажурналістамі. Фотамастакі і фатографы-аматары, рызыкуючы фотатэхнікай, паказалі праўду падзеяў, у якіх самі прымалі актыўны удзел.

Аляксандр Мілінкевіч перакананы, што Чарнобыльскі шлях-2006 у Мінску стане дэманстрацыяй годнасці беларускіх грамадзянаў

Чарнобыльскі шлях-2006 у Мінску пройдзе пад лозунгам выбарчай кампаніі Аляксандра Мілінкевіча - “Свабода. Праўда. Справядлівасьць”. Заяўку на правядзенне Чарнобыльскага шляху падаў у Мінскі гарвыканкам намесьнік старшыні Партыі БНФ Віктар Івашкевіч У заяўцы гаворыцца пра тое, што акцыя пачнецца на Кастрычніцкай плошчы 26 сакавіка а 18-й гадзіне, далей шэсце пройдзе па праспекце Незалежнасці (Скарыны) да Акадэміі навук, дзе мяркуецца правядзенне мітынга.