У Жодзіне сустрэчы Аляксандра Мілінкевіча ізноў здымаюць прадстаўнікі спецслужб

Сёння служба аховы дзяржаўнага прадпрыемства "Беларускі аўтамабільны завод" спрабавала перашкодзіць збору подпісаў у падтрымку вылучэння Аляксандра Мілінкевіча кандыдатам у прэзідэнты на тэрыторыі, прылеглай да будынка завода, спасылаючыся на загад адміністрацыі прадпрыемства. Толькі ўмяшальніцтва самога адзінага прэтэндэнта ад дэмакратычных сіл спрыяла спыненню свавольніцтва аховы і збор подпісаў працягнуўся.

Аляксандр Мілінкевіч перадаў ліст падтрымкі прадпрымальніку Мікалаю Аўтуховічу

Сёння, падчас візіту ў Ваўкавыск, лідэр дэмакратычных сіл Аляксандр Мілінкевіч перадаў ліст са словамі падтрымкі прадпрымальніку Мікалаю Аўтуховічу.

Аляксандр Мілінкевіч наведаў Зэльву і ўсклаў кветкі на магілу Ларысы Геніюш

Сёння па дарозе са Слоніма ў Ваўкавыск Аляксандр Мілінкевіч заехаў у горад Зэльву, дзе жыла беларуская паэтка Ларыса Геніюш, і ўсклаў кветкі на яе магілу.

Сёння Аляксандр Мілінкевіч наведвае Слонім і Ваўкавыск

Сёння ў 10.45 Аляксандр Мілінкевіч разам з паплечнікамі з'явіўся на пункце збору подпісаў на ўваходзе ў рынак Слонімскага раённага спажывецкага саюза. Ён адказаў на шматлікія пытанні, што былі пастаўлены грамадзянамі. Сярод іншых было такое: "Чаму Вы вырашылі ўзяць удзел у гэтай кампаніі?" Аляксандр Мілінкевіч адказаў наступным чынам:

Кіраўнік Штаба: “вертыкаль” займаецца наўпроставым вымагальніцтвам, прымушаючы людзей падпісвацца за прэзідэнта

"Людзі бачаць, што ўлада дзейнічае па законах подласці. І ім такая ўлада становіцца ўсе больш агіднай. "Вертыкаль" сваімі дзеяннямі сёння выдатна дапамагае палітычнай кампаніі адзінага прэтэндэнта дэмакратычных сіл - яна ўкараняе ў грамадскай свядомасці вельмі негатыўны вобраз прэзідэнта. Сутыкаючыся з такой анархіяй, людзі ўсё больш упэўніваюцца, што за А.Лукашэнку па поклічу сэрца гатова падпісацца вельмі малая колькасць грамадзян. І калі б не адміністрацыйны рэсурс, ён напэўна бы саступаў сёння па дынаміцы збору подпісаў грамадзян лідэру дэмакратычных сіл А.Мілінкевічу. У грамадстве наступае пералом".

Чытайце артыкул Сяргея Калякіна тут http://by.milinkevich.org//about/publications/massmedia/data/ic_108/90448/

Каляндар паездак Аляксандра Мілінкевіча на бягучы тыдзень

17 студзеня Аляксандр Мілінкевіч наведае Слонім і Ваўкавыск, 18 студзеня - Жодзіна і Барысаў, 19 студзеня - Смаргонь і Ашмяны, 20 студзеня - Шчучын, 21 студзеня - Гродна, 22 студзеня - Ліду і Навагрудак.

Аляксандр Мілінкевіч павіншаваў калектыў спартыўнай газеты “Прессбол” з 15-годдзем выхаду першага нумара

Сёння лідэр аб’яднаных дэмакратычных сіл Аляксандр Мілінкевіч накіраваў віншаванне калектыву вядучай спартыўнай газеты Беларусі “Прессбол” з нагоды выхаду першага нумара выдання.

Аляксандр Мілінкевіч падтрымлівае прапановы прыхільнікаў іншых прэтэндэнтаў правесці перамовы пасля завяршэння збору подпісаў

Адзіны прэтэндэнт на пасаду прэзідэнта Беларусі ад аб'яднаных дэмакратычных сіл Аляксандр Мілінкевіч падтрымлівае прапановы прыхільнікаў іншых прэтэндэнтаў правесці перамовы пасля завяршэння збору подпісаў.

Сабрана 140 427 подпісаў

Напрыканцы дня 15 студзеня за вылучэнне адзінага прэтэндэнта ад дэмакратычных сілаў Аляксандра Мілінкевіча было сабрана 140 427 подпісаў.

Хроніка сустрэч А.Мілінкевіча ў Маладзечне і Вілейцы

Сёння ў Маладзечне і Вілейцы ў Аляксандра Мілінкевіча адбылося па некалькі сустрэч. У Маладзечне адзіны прэтэндэнт наведаў калгасны і рэчавы рынкі, у Вілейцы – цэнтральны рынак, дзе працуе сталы пункт па зборы подпісаў у падтрымку яго вылучэння кандыдатам у прэзідэнты Беларусі.