КДБ цікавіцца Еўрапейскім маршам

Кіраўніка Бабруйскай філіі “Маладога фронту”, сябра аргкамітэта “Руху “За Свабоду” Валера Мацкевіча супрацоўнікі КДБ папярэдзілі пра крымінальную адказнасць, калі ён не адмовіцца ад падрыхтоўкі да Еўрапейскага марша, які пройдзе ў Мінску 14 кастрычніка.

 

Па словах Валера, кэдэбісты цікавіліся Еўрапейскім маршам, інфармацыйнай прадукцыяй, сеткай распаўсюду.

 

- Мяне палохалі крымінальнай справай. Толькі гэтым разам акрамя 193-га артыкулу фігураваў і 342-гі. Гэта падрыхтоўка акцый, якія прыводзяць да масавых беспарадкаў. На маю думку, КДБ папросту атрымала чарговую дырэктыву запалохаць актывістаў, каб не ехалі на Еўрапейскі марш, каб яны не распаўсюджвалі інфармацыйнай прадукцыі, - паведаміў Радыё Свабодзе Валер Мацкевіч.

Усе навіны