У брэсцкім ізалятары ўсталявалі біятуалет

На думку Андрэя Шарэнды, які сёння выйшаў на волю, паляпшэнне ўмоваў утрымання арыштантаў адбылося дзякуючы скаргам актывістаў Руху “За Свабоду”.

 

Прыхільніка Руху Андрэя Шарэнду пакаралі сямю суткамі арышту за пікетаванне консульства Расіі. Актывіст зазначыў, што пасля скаргаў у пракуратуру і МУС актывіста Руху Рамана Кісляка, які адбываў арышт у кастрычніку, умовы ўтрымання ў брэсцкіх ізалатарах істотна палепшыліся. Адміністрацыя ўстановы пачала выдаваць арыштантам матрац, падушку. У камэры ўсталявалі біятуалет.

 

Міліцыянты за 2 гадзіны да заканчэння тэрміна арышту пасадзілі Андрэя Шарэнду  ў машыну і павезлі з ізалятара часовага ўтрымання Маскоўскага раёна Брэста ў ІЧУ Ленінскага раёна. Ахоўнікі пры гэтым пагражалі хлопцу, што павязуць яго ў сапраўдную турму. Але праз гадзіну Андрэя выпіхнулі на вуліцу.

 

– Гэта было зроблена для таго, каб прадухіліць маю сустрэчу з сябрамі, якія дзеля гэтага прыйшлі да брамы ізалятара, – упэўнены Андрэй. 

Усе навіны