Аляксандр Мілінкевіч перадаў ліст падтрымкі прадпрымальніку Мікалаю Аўтуховічу
17/01/06
Сёння, падчас візіту ў Ваўкавыск, лідэр дэмакратычных сіл Аляксандр Мілінкевіч перадаў ліст са словамі падтрымкі прадпрымальніку Мікалаю Аўтуховічу.
“Дарагі Мікола!
Я вельмі цаню і паважаю Твой мужны ўчынак. Ведай, што ў новай Беларусі прадпрымальнікі будуць маторам развіцця эканомікі ў краіне. Мы вернем праўду і справядлівасць у Беларусі, дамо свабоду энергічным, актыўным, разумным людзям.
Трымайся! Здароўя! Разам пераможам!”
Мікалай Аўтуховіч - вядомы прадпрымальнік з Ваўкавыску. Ён галадаў 74 дні, пратэстуючы супраць свавольства ўлады, адстойваючы свае права законна займацца бізнесам у краіне. Сёння Мікалай Аўтуховіч знаходзіцца пад хатнім арыштам і пільным даглядам супрацоўнікаў міліцыі.
Усе навіны