У КДБ на “бяседу”
04/03/08
Мастоўскага актывіста Руху “За Свабоду” выклікаюць у гарадзенскую абласную ўправу КДБ.
Сёння актывісту Алесю Зарэмбюку патэлефанаваў капітан Гродзенскай управы КДБ Алег Жывушка. Ён запрасіў маладога палітыка да сябе на “канструктыўную размову”, а таксама ўдакладніў адрас, на які будзе даслана позва. Арыентаваная дата візіту ва ўправу КДБ – 7 сакавіка.
– Я яго ведаю, Алег Жывушка затрымліваў мяне ў 2007 годзе напярэдадні Дня Волі ў маёй кватэры. У тэлефоннай размове капітан КДБ толькі адзначыў, што размова не тычыць крымінальнай справы, я не злачынца. Гэта проста так званая “бяседа”, – паведаміў Алесь Зарэмбюк.
Усе навіны