Прыхільнікі Руху абаранілі гістарычную спадчыну (дадаліся фота)

Жыхары Мазыра дамагліся статуса гісторыка-культурнай каштоўнасці для двухпавярховага цаглянага жылога дома, пабудаванага ў стылі мадэрн.

 

- Прапанова аб наданні дому №28 па вуліцы Ленінскай статуса гісторыка-культурнай каштоўнасці была даслана ад першаснай суполкі таварыства па ахове гісторыка-культурнай спадчыны ў Мазырскі райвыканкам і Міністэрства культуры больш чым два месяцы таму назад. Днямі быў атрыманы станоўчы адказ з Міністэрства культуры, падпісаны намеснікам міністра Уладзімірам Грыдзюшкам,  - паведаміў старшыня суполкі, прыхільнік Руху “За Свабоду” Павал Наздра.

 

У адказе паведамляецца, што прапанова была разгледжана і ў выніку прынята рашэнне аб наданні будынку па вуліцы Ленінскай статуса нерухома-матэрыяльнай гісторыка-культурнай каштоўнасці – помнік архітэктуры трэцяй катэгорыі.

 

Прапанова будзе вынесена на зацверджанне Савета Міністраў у адпаведнасці з п. 1 арт. 23 Закона Рэспублікі Беларусь "Аб ахове гісторыка-культурнай спадчыны Рэспублікі Беларусь".

 

Так выглядаў будынак за Саветамі

 

Сучасны выгляд

 

Усе навіны