Супрацоўнікі ДАІ сарвалі сустрэчу Аляксандра Мілінкевіча з гродзенцамі (дадалося фота)
19/04/08
Прастаяўшы у Мастах пэўны час перад “жывым шчытом” з міліцыянтаў, Аляксандр Мілінкевіч з паплечнікамі накіраваўся на сустрэчу ў Гродна, аднак недалёка ад горада іх затрымалі супрацоўнікі ДАІ з абвінавачваннем, што іх машына нібыта крадзеная.
У РАУС Гродзенскага раёна, куды адвезлі Аляксандра Мілінкевіча і пасажыраў машыны, іх дапыталі па крымінальнай справе па факце крадзяжу залатых вырабаў і стрэльбы 20 лютага ў вёсцы Каробчыцы Гродзенскага раёна.
Пасля разбіральніцтва лідэра Руху "За Свабоду" і яго паплечнікаў адпусцілі.
Нагадаем, сёння, 19 красавіка, павінна была адбыцца сустрэча Аляксандра Мілінкевіча з гродзенцамі, аднак улады перашкодзілі яе правядзенню.
Усе навіны