Аляксандр Мілінкевіч сустрэўся з гродзенскімі актывістамі (фота)
19/04/08
Актывісты Гродна абмеркавалі з лідэрам Руху “За Свабоду” магчымасці выдання каляровага даведніка пра раён драўлянай забудовы Гродна.
Гродзенскія актывісты распавялі Аляксандру Мілінкевічу пра рыхтуемы ўладамі знос драўлянай забудовы раёну “Новы свет”, што ўзнік у 20-х гадах мінулага стагоддзя, у якім пражывала шмат палякаў і літоўцаў. Амаль 80 працэнтаў помнікаў драўлянага дойлідства, як сцвярджаюць гродзенцы, плануецца знесці, а на вызваленым месцы пабудаваць сучасныя малапавярховыя элітныя дамы.
Было прапанавана правядзенне міжнароднай канферэнцыі ў абарону старажытнай забудовы раёна “Новы свет”. Аляксандр Мілінкевіч паабяцаў са свайго боку звярнуцца па арганізацыйную дапамогу да дыпламатаў Польшчы і Літвы.
Усе навіны