Суд над Алесем Масюком адкладзены

Слуханні пачнуцца 10 чэрвеня а 10 гадзіне ў Слонімскім раённым судзе.

Суддзя Аляксандр Шылін прынял рашэнне перанесці разгляд справы пасля выступу Алеся Масюка. Як высветлілася, Алесь абвінавачваецца у парушэнні артыкула 23.34 КаАП Рэспублікі Беларусь (“арганізацыя несанкцыянаванага мерапрыемства”) на падставе ананімнага ліста.

Актывіст зазначыў у сваім выступе, што адміністратыўная справа, паводле Закона, не можа ўзбуджацца на падставе ананімкі.

Алеся Масюка маюць судзіць за арганізацыю нібыта несанкцыянаванай сустрэчы жыхароў горада з лідэрам Руху "За Свабоду" Аляксандр Мілінкевіч.

Сёння ў суд падтрымаць актывіста прыехаў лідэр Руху "За Свабоду".

Нагадаем, сустрэча лідэра руху “За Свабоду” і гутарка з жыхарамі горада пра надзённыя праблемы адбылася 18 красавіка каля Слонімскага рынку.