Суд не знайшоў, за што караць актывіста
17/06/08
Суддзя Брэсцкага раёна Тацяна Ісаева пастанавіла спыніць адміністрацыйную справу супраць актывіста Руху "За Свабоду" Дзяніса Турчэняка.
На думку суддзі, міліцыянты, якія складалі, а потым дапрацоўвалі пратакол, сарвалі ўсе дапушчальныя Законам тэрміны ягонай падачы. Пратакол быў пададзены 2 чэрвеня, а мусіў быць дапрацаваны да 25 мая. Нагадаем, што ў першым варыянце пратаколу былі дапушчаны “грубыя памылкі”.
На суд прадстаўнікі Брэсцкага РАУС, быццам адчуваючы хісткасць сваёй пазіцыі, не з’явіліся.
Усе навіны