“Марш “дробных хуліганаў” у Брэсце

Актывіст Руху “За Свабоду” з Брэста, праваабаронца Раман Кісляк падаў у Брэсцкі гарвыканкам заяву на правядзенне 30 ліпеня вулічнага шэсця “Марш “дробных хуліганаў”.

 

Па словах Рамана Кісляка, мэта дадзенага мерапрыемства – прыцягнуць увагу грамадскасці да патрабаванняў спыніць адміністрацыйныя затрыманні актывістаў дэмакратычных сіл пад выглядам справаў аб дробным хуліганстве.

 

“Да ўдзела ў шэсці я планую запрасіць тых грамадзянаў, якія падвергліся адміністрацыйным затрыманням і арыштам па абвінавачанні ў здзяйсненні дробных хуліганстваў напярэдадні выбараў і масавых акцый пратэста апазіцыі, а таксама другіх грамадзянаў, якія выступаюць супраць практыкі такіх затрыманняў і арыштаў”, - гаворыцца ў заяве Р.Кісляка.

 

Арганізатар запэўнівае мірнае правядзенне мерапрыемства. А ў дадатку прыводзіць спіс з 44 чалавек з Брэсцкай вобласці, затрыманых і асуджаных перад выбарамі і акцыямі апазіцыі.

Усе навіны