Не зарэгістравалі Зміцера Кухлея

Дэмакратычнага актывіста Зміцера Кухлея не зарэгістравалі кандыдатам у дэпутаты Палаты прадстаўнікоў. Асноўная прычына – несапраўдныя подпісы.

 

У дачыненні да Зміцера Кухлея акруговая камісія Мастоўскай выбарчай акругі № 56 вынесла рашэнне, паводле якога ён не зарэгістраваны кандыдатам у дэпутуты Палаты прадстаўнікоў у сувязі з тым, што больш за 15 адсоткаў подпісаў выбаршчыкаў прызнаныя несапраўднымі.

 

- Я лічу, што намеснік старшыні Гродзенскага аблвыканкама Васіль Сцяпура, які балатуецца па гэтай жа акрузе, проста спужаўся, - выказвае сваё меркаванне кіраўнік выбарчага штаба Зміцера Кухлея Алесь Зарэмбюк. – Улады баяцца ўдзелу Зміцера ў выбарчай кампаніі , таму што жыхары акругі ніколі не прагаласуюць за чыноўніка такога вялікага ранга. Вельмі зменшыўся давер да ўладаў у параўнанні з папярэдняй парламенцкай кампаніяй.

 

Зміцер Кухлей мае намер абскардзіць рашэнне ў Цэнтральнай выбарчай камісіі.

Усе навіны