Імі ганарыцца Слонімшына (фота)

У Слоніме пры падтрымцы Аляксандра Мілінкевіча выйшла трэцяя паштоўка з серыі “Вядомыя людзі Беларусі, якімі ганарыцца Слонімшчына”

–  На паштоўцы – тры партрэты дзеячоў падпольнай антысталінскай арганізацыі “Чайка”, якая дзейнічала ў Слоніме. Гэта Васіль Супрун, Міхась Ракевіч і Уладзімір Салавей. – расказвае адзін з выдаўцоў паштоўкі, прыхільнік Руху “За Свабоду” Алесь Масюк. – Акрамя таго, там змешчаны біяграфічныя звесткі пра кожнага.

Паштоўкі, якімі цікавяцца жыхары Слонімшчыны, раздаюць у школах, музеях і бібліятэках. Арганізатары плануюць прадоўжыць серыю.