Аляксандр Мілінкевіч правёў перамовы з канцлерам Германіі Ангелай Меркель
02/02/06
Сёння падчас візіту ў Берлін лідэр аб’яднаных дэмакратычных сіл Аляксандр Мілінкевіч сустрэўся з канцлерам Германіі Ангелай Меркель. Федэральны канцлер вітала аб’яднанне беларускіх дэмакратычных сіл і выказала надзею, што ў хуткім часе Беларусь стане свабоднай і дэмакратычнай краінай.
Таксама лідэр аб’яднаных дэмакратычных сіл абмеркаваў сітуацыю ў Беларусі напярэдадні выбараў з міністрам замежных спраў Германіі Франкам-Вальтэрам Штайнмаерам.
Беларуская дэлегацыя на чале з Аляксандрам Мілінкевічам узяла ўдзел у міжнароднай канферэнцыі, прысвечанай барацьбе з тэрарызмам, на якой разглядалася беларускае пытанне ў кантэксце парушэння правоў чалавека.
Усе навіны