Актывіста прызываюць, хоць ён у войску не патрэбны

Актывіста Руху “За Свабоду” Ігара Салаў’я не хочуць браць у войска з-за стану здароўя. Аднак, камісар не адступае.

Актывіста Руху “За Свабоду” Ігара Салаў’я не хочуць браць у войска прадстаўнікі зенітна-ракетнай часткі №15994 што пад Івацэвічамі, куды яго накіраваў ваенны камісарыят горада Пінска.

Ігар Салавей мае праблемы з сэрцам. Тым не менш, яму выпісалі даведку на адпраўку. Начальнік прызыву падпалкоўнік ваеннага камісарыяту Валер Купчынаў сцвярджае, што ўзяць прызыўніка ракетчыкі абавязаны.

Па словах актывіста Руху"За Свабоду", у ваенным камісарыяце добра ведаюць пра палітычныя погляды юнака, бо сам ваенны камісар Алег Астапчук з'яўляецца дэпутатам гарсавету.

Ігар Салавей мусіць адправіцца ў войска 20 студзеня.