Першая сустрэча Аляксандра Мілінкевіча з выбаршчыкамі ў якасці кандыдата ў прэзідэнты адбудзецца ўжо 17 лютага
Пытанні арганізацыі агітацыйнай кампаніі Аляксандра Мілінкевіча былі разгледжаны сёння на чарговым пасяджэнні Штаба адзінага прэтэндэнта ад дэмакратычных сіл.
Дэтальна абмеркаваны магчымасці выкарыстання друкаванай прадукцыі, правядзення сустрэч з выбаршчыкамі, выступаў у сродках масавай інфармацыі, вулічных пікетаў, кампаніі “ад дзвяры да дзвяры”, абтэлефанавання грамадзянаў ды іншых форм агітацыйнай работы.
З улікам таго, што шматлікія прыхільнікі дэмакратычнага руху Беларусі заяўляюць пра свой намер павіншаваць Аляксандра Мілінкевіча з рэгістрацыяй кандыдатам у прэзідэнты ўжо ў дзень рэгістрацыі, Штабам прынята рашэнне арганізаваць першую сустрэчу з выбаршчыкамі адразу пасля пасяджэння Цэнтральнай выбарчай камісіі, якое пачнецца а 12-й гадзіне 17 лютага ў Палацы Рэспублікі.
Усе навіны