Пачатак пакладзены

У Смалявічах адбыўся першы з раённых сходаў па вылучэнню дэлегатаў на Беларускі еўрапейскі форум.

Па даручэнню аргкамітэта намеснік старшыні Руху "За Свабоду" Віктар Карнеенка яшчэ раз расказаў пра мэты і задачы Форуму.

Разам з прадстаўнікамі аргкамітэту на мерапрыемстве прысутнічалі эксперты Беларускага інстытута стратэгічных даследаванняў. Дзяніс Мельянцоў падрабязна спыніўся на перспектывах для Беларусі праграмы "Усходняе партнёрства".

Што могуць даць прапановы Еўразвязу шараговаму грамадзяніну краіны, моладзі ды іншым сацыяльным групам - гэта, бадай, найбольш цікавае пытанне для людзей актыўна абмяркоўвалася і ў Смалявічах

У выніку дыскусіі і дастаткова вострай палемікі удзельнікі сходу абралі чатырох дэлегатаў, сярод якіх такія вядомыя не толькі ў Смалявічах, а і ў Беларусі людзі як Валеры Костка і Віталь Сіліцкі.