Аляксандр Мілінкевіч сустрэўся з замежнымі журналістамі (фота)

22 сакавіка лідэр Руху “За Свабоду” меў працяглую гутарку з прадстаўнікамі СМІ і  НДА з Нямеччыны, Аўстрыі, Польшчы, Нідэрландаў.

Галоўнае пытанне, якое цікавіла замежную прэсу – магчымы ўдзел Аляксандра Мілінкевіча ў прэзыдэнцкіх выбарах.

Апроч стаўлення Аляксандра Мілінкевіча да прэзыдэнцкай кампаніі 2011 году, ўдзельнікаў сустрэчы цікавілі прычыны раз’яднанасці беларускай апазіцыі, эканамічная і сацыяльнай праграма Руху “За Свабоду”, падрыхтоўка да святкавання Дня Волі, значэнне гэтага свята для беларусаў ды шэраг іншых пытанняў.

Увечары Аляксандр Мілінкевіч даў інтэрв’ю французскаму выданню Figaro, а таксама сустрэўся з берлінскімі студэнтамі, якія робяць даследаванні на беларукую тэматыку.

Аляксандр Мілінкевіч адзначыў велізарную ролю сродкаў масавай інфармацыі ў падтрыманні палітычнага інтарэсу да Беларусі ў замежжы.