Зварот да беларускага ўраду ў сувязі з візітам дэлегацыі беларускіх дэмакратычных сілаў у ЗША 2-8 снежня 2007 г.

Дбаючы пра будучыню Беларусі,

Усведамляючы, што ў беларускім нацыянальным інтарэсе развіваць узаемавыгаднае супрацоўнітва з дэмакратычнымі заможнымі краінамі, Канстатуючы адсутнасць раўнапраўнага і ўзаемапаважлівага дыялогу ўнутры беларускага грамадства,

Звяртаемся да ўраду Беларусі з прапановай пачаць прытрымлівацца агульнапрызнаных дэмакратычных нормаў, а найперш:

Вызваліць ўсіх палітычных зняволеных і спыніць рэпрэсіі і пераслед дэмакратычных актывістаў;

Стварыць роўныя ўмовы для дзейнасці СМІ і даць магчымасць для дэмакратычных сілаў рэгулярна выступаць у дзяржаўных друкаваных і электронных сродках масавай інфармацыі;

Спыніць практыку адвольнай нерэгістрацыі і прыпынення дзейнасці грамадскіх аб’яднанняў і палітычных партыяў;

Унесці змены ў выбарчае заканадаўства з мэтай правядзення свабодных і справядлівых выбараў 2008 г. у Палату прадстаўнікоў у адпаведнасці са стандартамі АБСЕ.

 

Мы гатовыя і будзем адстойваць інтарэсы дэмакратычнай Беларусі, прасіць урад ЗША:

- спрыяць інвестыцыям у беларускую эканоміку;

- разгледзець пытанне прадстаўлення крэдыту беларускаму ўраду з мэтай рынкавага рэфармавання беларускай эканомікі і змякчэння наступстваў росту коштаў на энерганосьбіты;

- скасоўваць санкцыі супраць беларускіх чыноўнікаў і дзяржаўных прадпрыемстваў.

 

Толькі праз дэмакратызацыю ўнутрыбеларускага палітычнага і грамадскага жыцця можна пераадолець міжнародную ізаляцыю Беларусі, абумоўленую адсутнасцю дэмакратычных працэсаў у нашай краіне.

 

Падпісалі:

Эніра Браніцкая

Сяргей Калякін

Анатоль Лябедзька

Анатоль Ляўковіч

Аляксандр Мілінкевіч

Павал Севярынец

Зміцер Хведарук

Перайсці да спісу