Заява Аляксандра Мілінкевіча з нагоды затрыманняў
14:14:50 11/07/08,
Раследаванне справы аб выбуху ў Мінску ў ноч на 4 ліпеня паказвае нежаданне ўлады адкрыць грамадству праўду пра злачынны замах на жыццё і здароўе мірных людзей.
Трагедыя выкарыстоўваецца, каб распачаць новую хвалю рэпрэсіяў супраць палітычных апанентаў. Праваахоўныя органы пайшлі на масавыя арышты невінаватых людзей, якіх аб’ядноўвае толькі адно: яны маюць патрыятычныя погляды і сапраўдную грамадзянскую пазіцыю.
Палітычна матываваны пераслед павінен быць спынены, а справа аб выбуху аб'ектыўна і адкрыта расследавана.
Такі пачатак выбарчай кампаніі цалкам зняпраўджваюць усе заявы пра жаданне правесці яе дэмакратычна.
Перайсці да спісу
